قصائد متنوعه ( 4 )
فـــهـــــــــــرس
يا مسا الاشعار و المعني اللطيف
ســـمّع المشتاق من احلى فنونك
ضيفني في فهرس الاحساس ضيف
كلمتي في زحمة الاشواق عونك
…………………………………………………….
لــــــــــــــــــــــــــــبّك
بييك بس أبغي احبك
ع الراس والخدين واليد
والود ودي لب لبّك
أعيش فيه آعايش الــــود
………………………………………………
الأوّل
عنْ لاتشك أو لايساوِرْك
ظنٍّ فلا ترضى به النَّفْس
في الود عندي الغْير عاشِرْك
لا زلت عندي الاوّل و بس
…………………………………………………………..
لطــــــــــــــــــــــــــــــفك
من يساوي لطفك وذوقك
من يحس بْحالتي غيـرك
صدق في همسك ومنطوقك
والمـــــودّه فــــــي تعابيــــرك
شفت شوقي يسبقَه شوقك
دوم فــي اطيافك تباشيرك
……………………………………..
ليتٍ و لــــو
هاض الغرام وقلت محروم
اللي حياته ليتٍ و لــــــــوْ
الوصل بالهجران محكوم
يومين والثالث ….خطر ســــوْ
…………………………………………….
سهران
من قلت لك تصبح على خير
طار الرقاد و بت سهران
ما ادري اش علامي حالتي غير
و آظن راعي الشوق ولهان
……………………………………………
واعـــــــــي
واعي حبيبي ؟ليش واعي
سهران و لاّ حد وعّـــــاك
قال السهر من قلب لاعــــــــــــــي
وْ نفـــسٍ تحــِب و عين ترعاك
……………………………………
اللي تأخر
اللـــــي تأخّــــــر ينتهي تِبْع
حِـــرم الحواصل والخرايف
حـــــدٍّ يــــــروِّض في الملا سِــبْع
وْحــــدٍّ على امّا تيه خايف
