يقرا تحـياتي ولا يـرد
واهواه انا يا ناس كل حيـن
ويـصد عـنّي يبغي البعد
واتبعه في الحب عـمرين
قالوا هـواكم ضد في ضد
كيـف الغـرام اِمـبـين نـدّيـن
قـلت السـبب لي عظّم الود
بـيني وبين صويـحـبـي ديـن
يـومٍ عليه .. ايـرد ويـسد
يوفي بلطـفٍ يخجل العين
واليـوم بـيـني وبـيـنه اشتد
ديـنٍ عـيّه صار ديـنـيـن
كلـْما عـنيـته عاند وصد
حتى ولا حــصّـلـت بـعدين
اليـوم خلّي عـطّـل العهد
حرّم عــلـيـنــا نـْكـون خلّـيـن
