عَددّ الايام باصبوعه
قال بتسافر خمستعشر
قلت يوم .. ويوم في رجوعه
صاحبي يومين مستكثر ؟
ثَرْه يومي عنده اسبوعه
وان حسب ساعاته تبعثر
واكْشِفَت كِبْر الهوى دموعه
صِدْق دمع الغالي مْأثّر
ما اكْتمل في الحب مشروعه
قلب من قبل الشقا تْعثّر
دمعة العشاق مشروعه
دام يوم الوصل متعذر
نِفْس ع الترحال مدفوعه
بِـــــــــعْد والاسفار تتكرّر
شَــيّْ م الآمال مقطوعــــــــــه
وشَيّ من ننساه يتوفّر
