قصيدة رمز غامض

تنتحر لاشواق و حروف القصيده

و الرجا مكتوف .. مقطوعٍ وريده

خوف ذاك الحلم يتوضّح بعيني

مخطر الأيّام .. صارت لي أكيده

فاقد التاريخ .. في تيه و تشتّت

مغترب و الوقت في بارد جليده

ما وجد لي إِنس أوحاني دفاها

في ثلوج وبرد آمالي طريده

إِختلاف الراي ما يكدّر تصافي

غير قلبي قد تجرّح من عضيده

الرجا فيه اضمحل ما عاد يجدي

سالف الأيام ما عادت سعيده

إِن نويت القاه تجددّ جروحي

و ان رحلت آشوفها .. الغربه عنيده

آه أنا البردان و النيران قلبي

تجمد الأطراف وانفاسي وقيده

ما بقى في الكون إلّا رمز غامض

حيّر الانظار وافكاري بعيده

مرّةٍ ألقاه في شكل ابتسامه

ثم اشوفه شر ينوي لي مكيده

كل شيٍّ ما تغيّر في زمانه

ملّت الأشياء من دنياً بليده

تعلو الصرخات من قلبٍ تفطّـّر

حال وقت مر ما يلغي جديده

تنْوِلد ارواح عقب ارواح غابت

الوجوه آلاف .. و الدنيا وحيده